مرتضى منصور عن رفض اتحاد الكرة قيد لاعبي الزمالك: موضوع المديونية شيء وهمي.. وسنلجأ للفيفا

علق رئيس نادي الزمالك مرتضى منصور على أزمة القلعة البيضاء وعدم قيد اللاعبين قائلا: 'اتحاد الكرة وافق على مشاركة كهربا الهارب والموقوف من الفيفا، ورفض قيد 3 لاعبين من الزمالك'.

وتابع منصور خلال تصريحات لـ 'أهل مصر': 'كل الأندية دعمت فريقها بلاعبين جدد، أنا دعمت بـ3 لاعبين رفضوهم، وكمان عندي لاعبين بيقعوا لوحدهم في الملعب بسبب السحر والشعوذة'.

تصريحات مرتضى منصور في محكمة القضاء الإداري

وأكمل منصور: 'أنا بحذر لا قدر الله لو حصل أي حاجة في ماتشنا أمام الفريق الجزائري وخسرنا هيحصل كارثة، وأنا طالبت بحضور اتحاد الكرة اليوم لاستلام الفلوس نقدًا ولم ياتي'.

وأردف منصور بشأن مديونيات الزمالك تابع منصور: 'القصة مش مديونيات، والموضوع كله تصفية حسابات، وأنا خايف على البلد لكن هم مش خايفين'.

وواصل منصور: 'أنا طلعت فلوس من حسابي الشخص لاتحاد الكرة ورفضوا يستلموها، ومفيش بند في اللائحة تقول إن النادي لو عليه مليار جنيه يتم وقف لاعبيه'.

وأضاف منصور: 'إمام عاشور داس على 'الزرار' ومشي، والاتحاد رفض قيد 3 لاعبين، وموضوع المديونية شيء وهمي'.

وأكد منصور: 'إذا لم يستجب اتحاد الكرة ويقيد اللاعبين سنلجأ للفيفا، وبعدين أما أنا عندي مديونية فتحتلي السيستم أسجل عليه ليه؟.. وبعدين مفيش جواب من الاتحاد الدولي يسمح بمشاركة كهربا'.