مرتضى منصور: ضحيت بحريتي عشان خاطر كرامة الزمالك.. وفين عقوبة كهربا؟

كشف مرتضى منصور، رئيس نادي الزمالك، عن تضحيته بحريته من أجل كرامة جماهير القلعة البيضاء.

وقال مرتضى منصور، خلال كلمة ألقاها لـ أعضاء الزمالك عقب عودته للزمالك: «عرفتوا بقى إني ضحيت بحريتي عشان كرامة نادي الزمالك، أنا يهمني كرامتكم أنتم كجماهير الزمالك».

وأضاف مرتضى منصور: «عارف إن الاعضاء مكنوش بيجيوا النادي في غيابي بقولهم تعالوا الآن الأسد رجع، عاد الاستقرار والأمن والأمان للزمالك».

مرتضى منصور: فين عقوبة كهربا؟

وتابع مرتضى منصور: «هي فين عقوبة الواد الهارب كهربا اللي قال ألفاظ بذيئة على الزمالك.. كهربا معاه دولة تحميه وأبسط دليل لما طاهر أبو زيد حل مجلس الأهلي.. المجلس رجع وطاهر أبو زيد اللي مشي».

واختتم مرتضى منصور: «أنا لن أعتذر للخطيب مهما حصل.. أنتم عايزين إن رئيس الأهلي هو اللي يختار رئيس الزمالك؟!».