علق أحمد حسام ميدو على قرار لجنة الانضباط بالاتحاد المصري لكرة القدم، بشأن إيقاف محمود عبد المنعم كهربا لاعب الأهلي 12 لقاء فضلا عن توقيع غرامة مالية عليه قدرها مليون جنيه، وكذلك القرارات الصادرة بشأن رئيس نادي الزمالك مرتضى منصور.
قال ميدو في تصريحاته عبر برنامج الريمونتادا على قناة المحور: 'سعيد بتفعيل دور لجنة الانضباط بالاتحاد المصري لكرة القدم، وإصدار قرارات حازمة على الجميع، سواء رئيس نادي الزمالك أو محمود عبد المنعم كهربا لاعب الأهلي'.
كهربا وأضاف: 'الحقيقة أنا زعلان على كهربا، يقدر إنه يكون مهاجم منتخب مصر الأول، وكلنا أشادنا به على تركيزه خلال الفترة الماضية لكن للأسف كهربا بيضيع كل اللي بيعمله بتصرفات ملهاش لازمة واستفاد ايه لما راح غنى مع الجمهور بالشكل ده، استفدت السعادة اللحظية اللي هي وقتها لكن مفكرش في ايه ممكن يحصله بعد كدة حرام لاعب زي كهربا يمر بالمشاكل دي في مسيرته، وكان ممكن يتفادى معظم المشاكل دي'.
وواصل:'كهربا بيضيع كل اللي بيعمله عشان خاطر تصرفات كان ممكن يتفادى تلك التصرفات تماما، كل واحد بيحاسب على فاتورته لوحده، وحسابه لوحده، بيعمل حاجات ملهاش لازمة تصرفات تافهة من وجهة نظري'، كهربا بيظلم نفسه باللي بيعمله، ولازم يركز في الملعب الناس في مصر ما بتصدق تلاقي لاعب كويس'.
تابعوا آخر أهل مصر على Google News
