اشتكى عدد من أعضاء نادي وادي دجلة من بعض القرارات التي اتخذتها إدارة النادي في الفترة الأخيرة، والتي جاء أبرزها تعليمات بمنع دخول الأطعمة من خارج النادي.
وكتب أحد العضوات في النادي النادي:'نادي #وادي_دجلة مانع دخول أي أكل من برا النادي وبالإجبار مفيش غير أكل المطاعم ومنعني أكل ساندوتشات جيباها من البيت حتى لما قولتلهم إني كنت صايمة ... ودي شكوى جماعية كلنا بنشتكي على جروب النادي وهما مستمرين في نفس التعسف وفي ناس بتاخد سحب عضوية ووقف لمدة ٣ شهور وغرامات مالية عشان بياكلوا أكل بيتي في النادي!!'.
تدوينة عضوة في نادي وادي دجلة وأضافت العضوة:'ومدير الفرع شخصيا قالي اتصلي بخدمة العملاء واشتكينا !!'.
وأكملت:'نشتكيهم رسميا عند انهي جهة؟؟، اجراء تعسفي كعادة القوانين التعسفية بتاعت نادي #وادي_دجلة زي ما كان مانع المحجبات من دخول حمام السباحة البرايفت من غير اي سبب منطقي؟؟؟'.
وذكرت موقف آخر:'النهاردة حصل معايا موقف في منتهى السخافة وقلة الذوق، كنت صايمة ورايحة النادي وواخدة معايا ساندوتشات عملاها في البيت عشان ابقى افطر هناك مش عايزة اكل جاهز عشان كله بقى يقرف
المغرب اذن وطلعنا الشاندوتشات ولسه بناكل راحت واحدة موظفة جاية قيلالنا الأكل الخارجي ممنوع مسموح بس أكل من مطاعم النادي قولتلها مباكلش من برا قالتلي دي تعليمات ادارة قولتلها معلش وسبتها ومشيت
نادت واحد من الأمن جالنا وطلب الكارنيه وصوره الله أعلم هيعمل بيه ايه الموضوع ممكن يوصل لسحب عضوية وحصل لناس وقالنا ممنوع وهحاول اجيبلكم استثناء كلم حد قاله لا مسموح بس بلانش بوكس اكل للأطفال!!!!'.
ووصلت:'الحقيقة دمي اتحرق وروحت كلمت مدير الفرع (فرع النخيل) وقولتله اللي حصل وإن دا مش مقبول ومن حقك تمنع الأكل اللي في بهدلة زي الحلل والسمك والرنجة وما إلى ذلك انما السندوتشات دي ايه مشكلتها؟؟ ما انت ف النادي بتعمل ساندوتشات جاهزة يعني'.
وأوضحت تفاصيل محادثتها مع مدير الفرع قائلة:'رد عليا إن كله واحد ومينفعش امنع بتاع الحلة والرنجة واسمحلك انتي بالساندويتش!!...قولتله: لا طبعا مفيش مقارنة ودي حاجة بديهية جدا انت ممكن تكتب ان الاكل'.
وأكملت:'المسموح بدخوله فقط هو الساندوتشات ويبقى غير كدة تمنعه ويبقى حقك، وافرض أنا واحدة بتتعب من الأكل الجاهز أو مش معايا فلوس أجيب خلاص مجيش النادي يعني ولا اعمل ايه؟، لكن طبعا فضل مصمم ان الساندوتش زيه زي اللي جاي برنجة وفسيخ'.
وأستطردت:'نفس المدير اللي قبله اللي قالي لما نسمح بدخول المحجبات هيقولولنا طب اشمعنا الأطفال لا!!، تعسف ع الفاصي وخلاص مالوش اي ٣٠ لازمة وعدم منطقية'.
وأتمت:'نهيت الحوار بإني بقوله على فكرة أنا يعتبر لحد دلوقتي مأكلتش وأنا كنت صايمة بسبب الموقف دا رد بكل هدوء مش عايزة اقول كلمة تانية قالي معلش آسف يا فندم'.
وتفاجئت العضوة برد فعل مدير الفرع:'قولتله هصعد المشكلة دي على فكرة قالي براحتك طبعا اتصلي بخدمة العملاء واعملي فينا شكوى، بس تقريبا كان مكسوف يقولي اخبطي راسك ف الحيط'.
وتسائلت في النهاية:'دلوقتي ايه الجهة اللي نقدر نشتكي فيها التصرفات دي لان ناس كتير جدا متضررة من نفس التصرف ووصلت إن في ناس عضويتها اتسحبت وناس اتغرمت فلوس!! ..وزارة الشباب والرياضة - مصر ..رئاسة مجلس الوزراء المصري'.
تابعوا آخر أهل مصر على Google News
