"بتوع طُرشي".. تعليق صادم من "ميدو" على نظام الصعود الجديد للدوري الممتاز

انتقد الكابتن أحمد حسام " ميدو"، لاعب الزمالك السابق فكرة صعود فريق من القسم الثالث إلى الدوري الممتاز مباشرة، في ظل وجود فرق أخرى أحق بذلك.

قال ميدو خلال تقديمه برنامج "الريمونتادا" على قناة "المحور": "نظام الصعود الجديد للدوري الممتاز من خلال التسريبات اللي خارجة، بتقول إن في فرقة من القسم الثالث تصعد للدوري الممتاز على طول، والله الناس اللي برا لو سمعت عن الكلام ده ليقولوا عن اللي شغالين في الكورة في مصر، إنهم بتوع طُرشي مع احترامي لبتوع الطرشي".

وأضاف "ميدو": "اللي فكر في قرار إن في فرقة من القسم الثالث تصعد مباشرة للدوري الممتاز، عايز يوقع اتحاد الكرة" .

وتابع: "لا يمكن أبداً حد بيحبك أو عايز مصلحتك ويديك الفكرة دي، إنت جبت واحد كدة من الإعدادية هدخلك الجامعة على طول ومش هدخلك ثانوية عامة".