استعرض محمود عبدالمنعم كهربا، مهاجم النادي الأهلي، بطولاته مع القلعة الحمراء خلال الموسم الماضي، والذي شهد تألق للاعب مع المارد الأحمر بمختلف المسابقات.
وينتظم كهربا في الوقت الحالي في معسكر النادي الأهلي بدولة النمسا، استعدادًا للموسم الجديد، في ظل رغبة الأهلي بقيادة السويسري مارسيل كولر في الاستمرار بحصد البطولات التي يشارك بها فريق كرة القدم.
كهربا: بعد إيقاف ٦ شهور الحمد لله قدرت اقف على رجلي تاني
وقال كهربا عبر حسابه الرسمي بموقع التواصل الاجتماعي 'فيس بوك': 'بعد إيقاف ٦ شهور الحمد لله قدرت اقف على رجلي تاني و بسرعه جدا وأكمل مسيرتي، موسم صعب و كله ضغوطات انتهي بأن الأهلي بطل كل حاجه و بكرم ربنا و دعم جمهور الأهلي قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للآخر زي الأهلي ما عودنا'.
وتابع: 'كنت بستني الإيقاف ينتهي بفارغ الصبر علشان أقدر أشارك و أجتهد، اتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله فا اي ضغط من الضغوطات الكتير الي اتعرضتلها كنت برميه ورا ضهري و أركز في تمريني و اركز في الملعب و أسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي من ناحيتهم الحمد لله قدرنا نحقق كل حاجة'.
واختتم: 'و في النهاية بشكر كل شخص قدملي المساعده ووقف جنبي من اول بيتي النادي الاهلي و مجلس الاداره و المدير الفني و الجهاز بأكمله و اخواتي في الملعب الي عمال غرفة الملابس و المنظومه جميعا و اشكر عائلتي الداعم الحقيقي و الدائم في كل الاوقات .. بشكر كل إللي وقف جمبي و كان بيشجعني و كان حافز إني أكمل و مستسلمش شكرا من كل قلبي'.
تابعوا آخر أهل مصر على Google News
