مجدي عبد الغني يكشف كواليس الخلاف بين هاني أبوريدة وسيف زاهر

كشف مجدي عبد الغني نجم الأهلي ومنتخب مصر السابق كواليس أزمة سيف زاهر مع هاني أبو ريدة في اتحاد الكرة المصري.

قال عبد الغني في تصريحاته عبر برنامج الريمونتادا على قناة المحور:'سيف زاهر مرة عمل تصويت على قرار في اتحاد الكورة أحمد مجاهد كبر الموضوع عند أبوريدة، قام ظهر لسيف زاهر بالعين الحمرا ومن ساعتها سيف زاهر فضل يبعد والقرارات الفردية سبب خسارتنا لكآس الأمم'.

وعن أزمة عمرو وردة السابقة وقت كأس الأمم الأفريقية قال:'بصراحة انا كنت مع انه يكمل لان المشكلة اللي حصلت من ٣ سنين مكانش ينفع يتعاقب عليها دلوقتي وفي نفس الوقت قرار المدرب هو اللي يحسم سواء يشركه او لا'.

مجدي عبد الغني: أحمد مجاهد مستفز.. وعنده مشاكل بسبب المدرسة الداخلي!

وأضاف 'أحمد مجاهد مستفز وشه مستفز، كان عايز يدير اتحاد الكرة لوحده مع هاني أبوريدة لدرجة أننا كنا عاملين جدول مختلف ليا وليه عشان لو قابلته في الاتحاد هنتخانق'.

وأشار:'هاني أبوريدة متعرفلوش مرة يبقى مودرن ويسمع للناس ومرة يبقى بيعرقل وديكتاتور مش عارف احكم عليه'.

واختتم:' أحمد مجاهد اتربى لوحده ودخل مدرسة داخلي وقد يكون هذا سبب مشاكله او شخصيته'.