ميدو: أفكار حسام حسن كانت واضحة في مباراة مصر ونيوزيلندا

أبدى أحمد حسام ميدو، نجم منتخب مصر السابق، إعجابه بما قدمه الفراعنة في المباراة الأولى لـ حسام حسن، أمام نيوزيلندا.

وكان منتخب مصر الأول لكرة القدم نجح في تحقيق الفوز على حساب نيوزيلندا بهدف دون رد، وذلك في المباراة التي جمعت الفريقين، ضمن منافسات الدور نصف النهائي من كأس عاصمة مصر.

ميدو: عجبني منتخب مصر

وكتب ميدو، عبر حسابه الرسمي على موقع التواصل الاجتماعي «تويتر»: «عجبني المنتخب إمبارح اللاعيبة بتقاتل ومنتخبنا بعد الهدف ساب الاستحواذ ولعب على المرتدات بشكل كويس.. بعض من أفكار حسام حسن واضحة بمحاولة تجميع العب في ناحية ونقل الكورة بسرعة للناحية الثانية».

وأضاف: «مهم أما الرسالة واصلة اللي مش هيقاتل كل دقيقة وكل ثانية في الملعب مش هيكون ليه مكان في التشكيل الأساسي.. الخطوة الجاية لازم أزمة محمد صلاح مع الجهاز تتحل وتتحل بذكاء بتدخل مسؤولين كبار ماتسيبوش الموضوع ده لأصحاب اللقطة».

وتابع: «ومهم جدا عودة فتوح للمنتخب.. محمد حمدي لاعيب كويس لكنه مش الباك لفت اللي هيشيلك في الماتشات الثقيلة! البداية لازم تيجي من فتوح وان شاء الله يكون مركز ومتألق الفترة اللي جايه مع الزمالك وترجع المنتخب وترجع لاعيب أساسي لإن ده مكانك الطبيعي».