شنّ الإعلامي أحمد شوبير هجومًا لاذعًا على الحكم الدولي السابق، جهاد جريشة، بعد تصريحات الأخير بأحقية الترجي في الحصول على ركلة جزاء أمام الأهلي في نهائي دوري أبطال إفريقيا.وقال شوبير في تصريحات إذاعية: «مش بحب موضوع الرد، ولكن وجهت انتقاد فني للكابتن جهاد جريشة وقولتله اسأل نفسك في موضوع القانون عشان مينفعش نقول حاجة عكس الناس كلها ما بتقول، وهو شخصية طيبة بغض النظر عن المسائل التحكيمية أو التحليلية».
وواصل شوبير: «كابتن جهاد جريشة طلع عمل فيديو يرد بيه عليا بعد انتقادي لتحليله للحالات التحكيمية في مباراة الأهلي والترجي، ويقولي أنا فلاح، وأنا بقوله لو أنت فلاح فأنا فلاح أكتر منك وحاجة تسعدني وبتشرف بيها لأني من عيلة فلاحة ووالدي ووالدتي فلاحين».
وتابع شوبير «أنا لم أتحدث في سبيل الجدل معاك أو سبيل أني احرجك لكن أنا بصحح لك، والقصة مش أهلي وزمالك أو مساندة الفرق المصرية، أنا مش هعقب على حديثك بشأن صورتك مع مرشح آخر، وأنا مش هتجرجر أني أرد عليك بفيديو وبعدين أنت ترد بفيديو وهكذا، ولكن هرد عليك بشيء تاني الفيصل الفيفا عشان أحنا سألنا الاتحاد الدولي وقال كورة لمسة اليد على إمام عاشور ليس لها علاقة بركلة جزاء، ولو حضرتك سألت حد في الاتحاد الدولي قولي أو سجل المكالمة عشان أذيعها مترجمة مصحوبة باعتذار».
وواصل:«الأخوة في تونس متوقفوش أمامها واللي اتكلم قال مفيهاش ضربة جزاء مفيهاش شبهة ضربة جزاء على الإطلاق، كابتن جهاد قال كلنا كنا عاوزين الأهلي يكسب بس في ضربة جزاء للترجي فخلى الناس اتقلبت على بعضها وانقسموا هو بيتكلم صح ولا غلط».
شوبير لجهاد جريشة: مشاكلك كتير ومشوك من كأس العالم
ووجه شوبير رسالة إلى جهاد جريشة قائلاً: «كابتن جهاد ما تذاكر شوية هو آخر سنتين تلاتة في التحكيم مكانوش حلوين كان بيحكم فاينل الوداد والترجي اللي كان في المغرب وحصل مشاكل كتير جدا جدا وأخطاء فادحة وكان رايح كاس العالم ومشوه وكان عنده مشاكل كتير».
واختتم شوبير حديثه: 'كابتن جهاد ذاكر كويس علشان لما تطلع تقول كلام صح وقرارات صح لأن الناس بتمسك في الهمسة'.
تابعوا آخر أهل مصر على Google News
