اعلان

سيد عبد الحفيظ يكشف كواليس فشل انتقال أحمد رفعت لصفوف الأهلي

أحمد رفعت
أحمد رفعت

كشف سيد عبدالحفيظ، مدير الكرة السابق بالفريق الأول لكرة القدم بالنادي الأهلي، عن مفاجأة بشأن فشل انتقال الراحل أحمد رفعت، جناح نادي مودرن سبورت إلى صفوف الأهلي.

وقال سيد عبدالحفيظ، في تصريحات تلفزيونية: «اللي فصل أحمد رفعت، عن الانضمام إلى الأهلي فكرة جت في دماغي الساعة 2 بليل».

وأضاف: «الصبح في يناير 2023 أحمد رفعت، كان في النادي الأهلي وكنا اتفقنا خلاص على كل حاجة، وكنا لا نعلم أي تفاصيل عن أزمة سفر اللاعب في الإمارات».

وتابع: «الصبح كان أحمد رفعت، هيجي يمضي معانا بعد ما اتفقنا مع نادر شوقي على كل حاجة».

وأكمل: «الساعة واحدة ونصف اتنين بليل. جاتلي حاجة في دماغي عن الخناقة بتاعة جنش وأحمد رفعت، الله يرحمه، في مباراة ببطولة أفريقيا وأحمد لم يلعب مع فيوتشر في الـ 6 شهور الأولى في الدوري لأن الدوري ابتدى في شهر سبتمبر وانتقل للوحدة»

وواصل: «جت حاجة في دماغي هل مباراة فيوتشر مع الفريق الأفريقي، كانت في موسم 2022- 2023 أم الموسم اللي قبله، هتتحسب في أنهي موسم، هو بالفعل لم يشارك في الدوري».

سيد عبد الحفيظ: انضمام أحمد رفعت للأهلي كان سيصبح مخالفًا للوائح

واستطرد سيد عبد الحفيظ: «المباراة لو اتحسبت من الموسم اللي قبل 2022 -2023 مفيش مشكلة يلعب في الأهلي، ولكن لو اتحسبت في الموسم ده، مينفعش يلعب في أي نادي تاني غير ناديي فيوتشر والوحدة، لأن انتقاله للأهلي سيكون الثالث».

وزاد: «كلمت الكابتن محمود الخطيب، الساعة 2 بليل وقولتله (المباراة دي هتتحسب تبع أي موسم، لأنه لو رجع عندي مش هيلعب تاني، مينفعش يلعب)، وكلمت نادر شوقي، قولتله (لازم نوقف كل حاجة لحد ما أسأل اتحاد الكرة مباراة فيوتشر في افريقيا كانت تبع أنهي موسم».

واختتم: «سألنا اتحاد الكرة وبالفعل كانت هذه المباراة في نفس الموسم، لذلك فشل انتقال أحمد رفعت، إلى الأهلي».

WhatsApp
Telegram
إقرأ أيضاً
عاجل
عاجل
الرئيس السيسي يُعزي سلطان عمان في ضحايا حادث إطلاق النار بمسقط