أبدى كريم فؤاد، لاعب الفريق الأول لكرة القدم بالنادي الأهلي، رضاه عقب إعلان إصابته بقطع في الرباط الصليبي.
وأعلن النادي الأهلي، اليوم الأحد، إصابة كريم فؤاد بقطع في الرباط الصليبي، عقب سقوطه في مباراة الفريق ضد سموحة بالدوري المصري الممتاز.
فؤاد: الاختبار له أجر كبير
وكتب فؤاد، عبر حسابه الرسمي على موقع التواصل الاجتماعي «فيس بوك»: «كل خسارة دُونَ الجنة، فهي دُون.. اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايمًا الابتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون اختبار ليك هتعمل ايه في الموقف دا».
وأضاف: «وإن الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه أوي مقابل اني اصبر على الابتلاء دا».
وتابع: «وأنا كان مكتوب لي إصابة في الرباط الصليبي للمره التانية، بس عندي إحساس تاني خالص مع الاختبار دا، إنه انا في نعمة كبيرة اوي وان الحمدلله ربنا رزقني باختبار سهل وهين أوي مقابل ابتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن».
وواصل: «عشان كدا بحمد ربنا ان الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني».
واختتم: «أنا بحمد ربنا وراضي ومؤمن جدًا إن ربنا بيحبنا نقرب منه بالعبادات اللي منها الصبر والدعاء.. الحمد لله مستعد للاختبار ومتحمس.. شوية وقت وهنرجع نحارب من تاني.. أشوفكم على خير قريب».
تابعوا آخر أهل مصر على Google News
