نجم الزمالك يهاجم والد زيزو: «بينكر خير النادي عليه»

هاجم أحمد الميرغني، نجم نادي الزمالك السابق، والد أحمد مصطفى «زيزو»، جناح الفريق الأول لكرة القدم بنادي الزمالك، وذلك بسبب تصريحاته الأخيرة حول احتراف نجله في الدوري السعودي.

وقال أحمد الميرغني، في تصريحات تلفزيونية عبر فضائية «الحدث اليوم»: «وقت عرض نادي نيوم السعودي، قرأت تصريح لوالد زيزو، في أكثر من موقع بيقول (كان نفسي نادي الزمالك يستفاد من العرض اللي جاي من نيوم، لأن زيزو، ممكن في شهر يناير يمضي ببلاش، التصريح ده معجبنيش».

الميرغني: زيزو لو في الأهلي مش هياخد الراتب ده

وأضاف: «التصريح ده مش واقعي، إنت كدة بتنكر خير نادي الزمالك، حتى لو زيزو هيمشي من حق إدارة الزمالك تعمل اللي هي عايزاه علشان تستفيد منه، لولا نادي الزمالك إنت مكنتش هتوصل للنجومية دي ولا هيتدفع فيك السعر ده».

واختتم: «زيزو، لو بيلعب في نادي تاني غير الزمالك أو الأهلي هيدفع فيه الأرقام دي؟ بالتأكيد لأ، مضيفًا: 'محمد عبدالمنعم، لما مشي من الأهلي وهو عارف إن رحيله ضد رغبة الجمهور والإدارة، طلع اتكلم؟ لأ، أنا كنت عايز ده يحصل مع زيزو، محدش يتكلم والحاجات دي تكون في الغرف المغلقة'.