حازم إمام: محمد عادل "جدع" إنه أشتكى في النيابة لأن التسريبات أضرت بسمعته

كشف حازم إمام عضو مجلس إدارة اتحاد الكرة، عن حضور اجتماع الجبلاية المقبل بشأن التسريبات الأخيرة الخاصة بمباراة الزمالك والبنك الأهلي.

وقال إمام في تصريحات تلفزيونية: "أنا لا أذهب للاتحاد منذ 7 شهور، (مش علشان الاتحاد وحش وأي حد يتشرف بيه)، لكن أنا لا أتدخل منذ فترة طويلة (وربنا معاهم)، وأنا منذ بطولة أمم أفريقيا لم أتعامل (لأني مش عارف أتعامل) في هذه الجزئية".

وعن لجوء الحكم محمد عادل إلى النيابة في أزمة التسريبات، قال: "المشهد الحالي في الرياضة المصرية مش أحسن حاجة، محمد عادل حكم بشوفه جدع خصوصا بعد ما تقدم ببلاغ للنائب العام، والفكرة مش إنك تغلط، الفكرة إن في ناس بتقصدك تطلع متحيز لنادي معين".

وأضاف: "محمد عادل بقاله 20 سنة في التحكيم المصري، وكدة بيتضر في سمعته الكروية، ولازم يتعرف مين عمل كدة وسرب المحادثة دي، واللي سرب المحادثة لا يصلح يكون في مجال الرياضة من الأساس، ومش مشكلة تطلع محادثات الفار، لكن الفكرة كلها في الأمانة، ويطلع الحديث بشكل قانوني".

وأتم: "المشكلة مش في الكلام اللي اتقال، المشكلة في اللي سرب الكلام، وحتى التسريب فيه جزء مش صحيح".