كنت بعلق صورته على الحيطة.. زيزو يكشف عن لاعبه المفضل وبداياته مع كرة القدم

كشف أحمد سيد زيزو، لاعب الفريق الأول لكرة القدم في نادي الزمالك، ومنتخب مصر مراحل بدايته في عالم كرة القدم، منذ طفولته في بلدته بالمنيا.

وقال أحمد سيد زيزو في تصريحات تليفزيونية: وأنا صغير مجاش في بالي أي حاجة تانية غير إن أنا لاعب كورة، والكمبيوتر بتاعي وقتها مفيش فيه ألعاب كان كله فيديوهات كورة، وبحب زين الدين زيدان، وكنت معلق صوره على الحيطة في أوضتي.

وأكمل: عملت اختبارات في نادي وادي دجلة وكان وقتها النادي درجة رابعة، وكان عندي وقتها 10 سنين، وتم اختياري في الأكاديمية اللي تبع النادي، وكنا 7 لاعيبة فقط اللي نجحوا، بعد اختبارات شارك فيها آلاف اللاعبين في المنيا، ولما نجحت طلعوني من المدرسة وروحت في مدرسة في أكتوبر.

وأكمل تصريحاته قائلا: كانوا عاملين خطة إني أقعد شهرين في الأكاديمية، وأرجع لمدة أسبوع للبيت وأرجع تاني الأكاديمية التابعة للنادي وده لمدة 7 سنين، وكنت بحلم أبقى لاعب كورة ومشهور.