أحمد الشيخ: عندي كورونا وهنزل التدريب قريب

كشف أحمد الشيخ لاعب وسط نادى الإسماعيلى، سبب تأخر نزوله التدريبات الجماعية مع الإسماعيلى بعد العودة من قطر للاطمئنان على جراحة الركبة والتأهيل منها.

وكتب أحمد الشيخ عبر استورى الفيس بوك: "السلام عليكم.. تحياتى ليكم جميعا والله العظيم أنا عايز أرجع ألعب وأساعد النادى النهاردة قبل بكرة، وأنا مقدر الناس اللى بتهاجمنى بسبب حبها للنادى وفاكره أنى مقصر لكن في أمور تانية مش عايز أتكلم فيها حاليا، الأهم أرجع بالسلامة وأساعد زمايلى والله أنا حاليا كنت بتمرن مرتين في اليوم قبل ما يجينى كورونا من وقت ما رجعت من قطر من يومين كل ده ابتلاء من ربنا الحمد لله على كل شيء وأنا راضى بقضاء ربنا".

وتابع: "الحمد لله رب العالمين وصلت لمرحلة إنى أنزل الملعب والفترة الجاية هبدأ أشارك مع الفريق تدريجيا بإذن الله تعالى.. شكرا ليكم".

وتلقى فريق الإسماعيلى 5 هزائم متتالية فى آخر 5 مباريات خاضها فى الدورى المصرى، حيث خسر من الاتحاد السكندرى وطلائع الجيش والزمالك والجونة وأخيرا من الأهلى، ويعود آخر انتصار للدراويش إلى 21 يناير الماضى أمام سموحة بهدف نظيف، وتراجع الإسماعيلى إلى المركز الرابع عشر برصيد 12 نقطة.