مرتضى منصور: ممدوح عباس دمر الزمالك وطفش زيزو.. وأنا كنت بكسب الأهلي رايح جي

علق مرتضى منصور، رئيس الزمالك السابق، على أنباء انتقال أحمد سيد زيزو، جناح الفريق الأول لكرة القدم بالقلعة البيضاء، لصفوف الأهلي.

وقال مرتضى منصور، خلال تصريحات عبر قناته على يوتيوب: "معلوماتي إن زيزو لسه موقعش للأهلي ولكن عاوز أعرف ايه صفة ممدوح عباس إنه يشتم أبو زيزو؟".

وأضاف: "حتى لو مضي للأهلي دا واحد صعيدي ومعلم من المنيا ليه تشتمه، إنت مين يا ممدوح".

وتابع: "أنا عرفت إن ممدوح عباس شتم أبو زيزو في اجتماع مش بس على تويتر".

وواصل: "طفشت زيزو يا ممدوح ودمرت الزمالك، وأنا اللي جبت زيزو وكنت بكسب الأهلي رايح جي، دلوقتي بتعملوا فرح لما تتعادلوا معاه".