شوبير ينفي مفاوضات الأهلي مع إبراهيم عادل والشيبي: "عندك لاعيبة كتير خلاص!"

نفى الإعلامي أحمد شوبير، حارس مرمى الأهلي ومنتخب مصر السابق، وجود أي مفاوضات حالية بين النادي الأهلي ونادي بيراميدز بشأن ضم الثنائي إبراهيم عادل والمغربي محمد الشيبي، مؤكدًا أن الفريق يمتلك بالفعل مجموعة كبيرة من اللاعبين في مراكزهم.

وخلال برنامجه الإذاعي، قال شوبير: "مافيش أي تفاوض بين الأهلي وبيراميدز بشأن إبراهيم عادل أو الشيبي، طيب إزاي وإنت عندك تريزيجيه وبن شرقي في الأجنحة، وفي الناحية التانية حسين الشحات وطاهر محمد طاهر وعمر كمال عبدالواحد؟"

وأبدى شوبير دهشته من الأحاديث المتداولة حول صفقات جديدة، قائلًا: "هو الموضوع بقى هات وخلاص؟ اعتبر إن إبراهيم عادل جالك وقلت هضمه على الفريق، طب هتعمل إيه بكل النجوم اللي عندك؟ إحنا كأننا خلصنا وجبة كاملة ولسه عايزين ناكل تاني!"

وعن مركز الظهير الأيمن، علّق شوبير: "عندك محمد هاني وعمر كمال، ومش بنقلل من الشيبي، بالعكس، ده واحد من أفضل الصفقات في مصر وكان له دور كبير في وصول بيراميدز لنهائي إفريقيا، لكن أنت أصلًا عندك عناصر مميزة ومش ناقص".