مرتضى منصور: ماحدش عايز يحاسب مجلس الزمالك.. ووزير الرياضية بيقول ماليش دعوة

واصل مرتضى منصور، رئيس الزمالك السابق، هجومه على المجلس الحالي للنادي.

وقال مرتضى، خلال مؤتمر صحفي عقده اليوم: "مجلس الزمالك ضيع أرض 6 أكتوبر وفرع مرسى مطروح وضيع 130 مليون جنيه في قضية كهربا و110 مليون في قضية البنك التجاري هو مافيش قانون يحاسب المجلس ده على اللي بيعمله".

وأضاف: "كل ما نكلم وزير الرياضة عن المجلس وأفعاله، يقول ماليش دعوة".

وتابع، موجهًا رسالة لممدوح عباس: "بقول لممدوح عباس اتقي ربنا وسيب الزمالك في حاله.. أنت من 2005 مش عايز تسيب النادي".

وعن تعرض حسين لبيب لوعكة صحية، قال: "ربنا يشفيه ويقومه بالسلامة.. لا شماتة في الموت أو المرض".