رفض نادي الزمالك، الاستسلام في مسألة التعاقد مع حامد حمدان لاعب خط وسط بتروجت، خلال فترة الانتقالات الجارية، وذلك في ظل خطة تعزيز صفوف الفريق للموسم الجديد.
وكشف مصدر من داخل الزمالك في تصريحات خاصة لـ«أهل مصر» أن الزمالك لم يستسلم ويتراجع عن التعاقد مع حامد حمدان، بل ينوى تكثيف مفاوضاته مجددا من أجل حسم الصفقة.
وأوضح المصدر أن جون إدوارد يستعد لبدء التفاوض من جديد مع نادي بتروجت، خاصة في ظل تمسك اللاعب بـ ارتداء قميص الزمالك.
وكان رفض نادي بتروجت عرضا من نادي الزمالك في وقت سابق، في ظل رغبة النادي البترولي باستمرار اللاعب بصفوفها.
وفتح سيد عيد، المدير الفني لفريق بتروجت، النار على الزمالك بسبب الانتقادات ضد النادي البترولي نتيجة رفض رحيل حامد حمدان، لاعب خط وسط الفريق الأول لكرة القدم بالنادي، إلى القلعة البيضاء.
وقال عيد، خلال تصريحات تليفزيونية: «الأهلي اتعامل مع بتروجيت باحترافية لما طلب توفيق محمد قبل ما حامد حمدان يتطلب من الزمالك، ولما الموضوع اترفض مشوفناش أي ردود فعل، موضوع حامد حمدان مع الزمالك ده شايفه غريب جدا، أول مرة اشوف نادي عايز يشتري لاعب ويعمل البروباجندا دي».
وأضاف: «مش من حقك تعمل البروباجندا دي ومش من حق أي حد يفضل يتكلم عن رئيس شركة كبيرة ورئيس نادي بيحاول يحافظ على الفريق، الموضوع مكانش ينفع يمشي بالشكل ده على الأقل تسيب الباب مفتوح ويحصل تغيير في أي وقت».
وتابع: «الموضوع اتاخد في اتجاه عْرْة وأهل عْرْة، هو فيه ايه، حامد حمدان مجدد السنة اللي فاتت وأعلى لعيب في الفريق وناقصله سنتين في عقده، مع احترامي لرغبة اللاعب لكن هي مش أمر، هو فرض ان اللاعب لما يتطلب يمشي؟ طب ولو اتطلب رقم كبير زي ما البنك الاهلي عمل مع الأهلي؟ لما قالوا 80 مليون في لاعب والموضوع اتقفل، هل صفحات الاهلي مسكت البنك الاهلي وقالوا كذا وكذا؟ مفيش الكلام ده».
تابعوا آخر أهل مصر على Google News
