عبد القادر يكشف حقيقة مطالبته بـ فسخ عقده مع الأهلي

كشف أحمد عبد القادر، جناح الفريق الأول لكرة القدم بالنادي الأهلي، عن حقيقة ما تردد بشأن مطالبته بفسخ عقده بالتراضي مع ناديه.

وقال عبد القادر، عبر «إنستجرام»: «بسم الله الرحمن الرحيم. في أكتر من موضوع بيتم تناوله في الإعلام والسوشيال ميديا لأكتر من شهر ونص، ومطلعتش اتكلمت ولا اتناقشت فيه، لإنه كلها إشاعات مالهاش أساس من الصحة، ومش هطلع أوضحها لإن ده مش شغلي».

وأضاف: «لكن لما الإشاعات تبقى بالشكل المبالغ فيه ده، وكل واحد قاعد في برنامج بفنجان قهوة، وأدمن في صفحة عليها شوية مطبلاتية ومعروفين يرزع خبر ويلاقي عنده ٩٠ ألف رياكت وهو لسه بيشرب فنجانه، العيب ما بيبقاش عليه، العيب على الناس اللي بتصدق كلامه وبتديله قيمة على إشاعات وكدب، ده أولاً».

واختتم: «ثانياً: في موضوع بيتم تداوله إني طلبت فسخ التعاقد مع النادي الأهلي، ده مالهوش أساس من الصحة. أنا لاعب ملتزم بعقدي، ومصدرش مني أي شيء خلال شهر ونص بيتم تداول الإشاعات فيها، بل أنا ملتزم التزام تام بتعاقدي مع النادي الأهلي لحد ما يحصل أي جديد. وشكرًا».