هاجم رضا عبد العال، نجم الكرة المصرية، محمود الخطيب رئيس مجلس إدارة النادي الأهلي، وذلك بعد الخسارة بثنائية نظيفة أمام بيراميدز.
وقال رضا عبدالعال، في فيديو عبر منصة «يوتيوب»: «لعيبة الأهلي الجديدة مبطلة، أشرف بن شرقي، خارج الخدمة، السنة اللي فاتت سجل هدف في الزمالك وفي حرس الحدود وفي بتروجت، وهذا الموسم بعيد تمامًا عن مستواه».
وتابع: «تريزيجيه جاي يبطل في الأهلي، لو في فرصة في الدوري التركي مكنش رجع» مضيفًا: «زيزو، واخد توكيل الكرات العربية والضربات الركنية، ولا واحدة مؤثرة.. جايبين واحد بياخد 160 مليون عشان يعمل كورنر!».
وواصل: «زيزو، بوظ أوضة لبس الأهلي.. زيزو، كان نجم في الزمالك لأنه كان بيلعب مع لعيبة على باب الله، ولكن لما تواجد وسط نجوم واقعة هو مش قادر يشيل النجوم، ده بياخد 160 مليون جنيه، مفروض يشيل الاستاد ويجري بيه مش اللعيبة».
وأختتم حديثه قائلأ: «الكابتن الخطيب، إنت اللي تشيل كل الصفقات دي، إزاي جيبت اللعيبة دي، والتركيبة دي محدش يقدر يعمل فيها حاجة، لأن اللعيبة مبطلة».
تابعوا آخر أهل مصر على Google News
