الزمالك يكشف موقفه من استمرار معتمد جمال مديرًا فنيًا للفريق

كشف حسام المندوه، أمين صندوق الزمالك، عن موقف النادي من استمرار معتمد جمال على رأس الجهاز الفني للفريق.

وقال المندوه، خلال تصريحات إذاعية: "معتمد جمال أنا مسميه الأصيل، ولما بسلم عليه بقوله كده لأنه مجتهد جدًا جدًا".

وأضاف: "نتيجة اعتماد الزمالك على معتمد جمال ابن النادي، وأيضًا الناشئين أبناء النادي، ومع التحام الجمهور معهم بشكل إيجابي، نتج عن ذلك اللي إحنا شايفينه على أرض الواقع".

وتابع: "معتمد جمال قدر يخلي كل لاعب في الزمالك كابتن وعنده مسؤولية، وكبّر كل اللاعبين، عشان كده شفنا الحالة الحلوة حاليًا داخل الفريق".

واختتم: "مبحبش حد يقول هو معتمد مكمل! يا جماعة إحنا نبقى ناس غريبة جدًا لو قولنا إنه مش هيكمل.

معتمد جمال طبعًا مكمل في منصبه، لأن لا يمكن حد يقدم كل ده ونقوله ما تكملش".