أثار المخرج محمد نصر جدلًا واسعًا بعد منشور غاضب كتبه عبر حسابه على «فيس بوك»، علّق فيه على حلقة الفنان رامز جلال مع لاعب الأهلي أحمد سيد زيزو، منتقدًا ما اعتبره إساءة واضحة للنادي الأهلي وجماهيره.
وقال محمد نصر في منشوره: «أتقدم بشكوى للدكتور خالد عبد العزيز رئيس المجلس الأعلى للإعلام ضد المدعو رامز جلال في حلقة اليوم 23-2-2026، وبما حملته من إساءة بالغة في حق النادي الأهلي، لما جاب قرد ولبّسه اللون الأحمر، متعدّي كل حدود الأدب، خاصة إنه استضاف أحمد زيزو نجم الأهلي، وبعدها أكد الإهانة لما قال للقرد: طبعًا إنت أهلاوي، وده إسفاف وخروج عن الآداب العامة وإساءة لكيان عظيم اسمه النادي الأهلي».
وأضاف: «غير مقبول الاستهانة بأي نادٍ مصري، وكمان أساء في مقدمة الحلقة لنجم مصر والزمالك كابتن طارق يحيى بعد إيحاءات بكلام عن الوزن وغيره، وده ما يقبلوش أي إنسان محترم».
وتابع: «ملعون أبو الفلوس أياً كانت اللي تحط من قدر أي إنسان مهما كانت مهنته، وأحمّل النادي الأهلي اللي وافق على الإسفاف ده وترك نجومه يعوموا في الملايين وكأنهم محتاجين فلوس، بعد ما بعثروا كرامتهم في البرنامج ده مقابل الدولارات».
واختتم: «ناس كتير بتقول لي ده برنامج سعودي على قناة سعودية ومحدش يقدر يكلمه، خلاص تمام، يبقى يتكتب على شاشة إم بي سي ويتشال كلمة مصر خالص».
تابعوا آخر أهل مصر على Google News
