وجه إبراهيم حسن، مدير منتخب مصر الأول لكرة القدم، رسالة إلى منتقدي شقيقه حسام حسن، المدير الفني للفراعنة، مطالبًا بوقف الهجوم على الجهاز الفني وعدم التقليل من النجاحات التي حققها المنتخب خلال الفترة الماضية.
ونشر إبراهيم حسن سلسلة من الرسائل عبر حسابه الشخصي على موقع التواصل الاجتماعي 'فيسبوك'، دافع خلالها عن شقيقه والجهاز الفني، وانتقد بعض الإعلاميين وزملائه السابقين، معتبرًا أن الهجوم المستمر يقلل من فرحة الجماهير بما حققه المنتخب.
إبراهيم حسن ينتقد الهجوم على منتخب مصر
وقال إبراهيم حسن: 'اتقوا الله في مصر، ليه عايزين تكسروا فرحة الناس الطيبة والأطفال اللي رجعوا يحفظوا تيشيرت وشعار منتخبهم وألوان علم مصر؟ اسألوا المصريين المغتربين عن أطفالهم اللي كانوا قربوا ينسوا ألوان وشكل علم بلدهم، افتكروا لمة الشعب وفرحتهم أثناء وبعد كل مباراة، افتكروا احترام العالم كله لمنتخب مصر'.
وأضاف: 'ليه الغل من زمايل لينا كنا بناكل في طبق واحد، وكنا حاملين شعار واحد وهو علم مصر؟ ليه الغل من معظم الإعلاميين والحرب والهجوم غير المبرر في كل صغيرة وكبيرة، والتقليل من أي نجاح بنعمله؟ ليه بنكبر الصغير على الكبير وبننسى الأصول اللي الشعب المصري متربي عليها؟'.
إبراهيم حسن يدافع عن حسام حسن
وتابع مدير منتخب مصر: 'افتكروا حسام حسن المخلص والمحب لبلده، اللي بينتحر علشان يفرح بلده، من منا بلا أخطاء ولا ابتلاء في حياته؟ ورغم كل ظروفه الخاصة، عند شغله واسم بلده بيفصل وبيرمي كل حاجة ورا ضهره، ليه يتحارب بالشكل ده عند كل موقف؟ ليه قبل كل معسكر بتتعلن علينا الحرب الشرسة دي؟'.
إبراهيم حسن يوجه رسالة للمدربين المصريين
واختتم إبراهيم حسن رسائله قائلًا: 'نصيحة ورسالة للزملاء اللي نفسهم يبقوا في مكانه، نجاحنا أنا وحسام هو اللي هيديك الفرصة بعد كده تبقى موجود مكانه، علشان اللي بياخد القرار يبقى مطمئن من تجربتنا ويديك فرصتك وما يخافش، وننسى الأجنبي، لكن لو أنا فشلت مش هتجيلك'.
تابعوا آخر أهل مصر على Google News
