هاجم المستشار مرتضى منصور، رئيس مجلس إدارة نادي الزمالك، لاعب الأهلي السابق شريف عبد الفضيل، قائلا: 'ده لاعب كومبارس، يعني فريق الأهلي بيهدي الدنيا على الزمالك وهو خارج بيقول كلام غريب لاعيبة الزمالك بتخاف من تيشيرت الأهلي، أنا بقوله لاعيبة الزمالك كلهم رجالة على مر التاريخ'.
وأضاف في مداخل هاتفية مع خالد الغندور على قناة الزمالك: 'مين اللي بيخاف من مين أنت تبع مين حضرتك إسماعيلية أنا مش فاهم، أنا علشان أحمد عيد قال كلمة طلعت اعتذرت تاني يوم، عيب قلة الأدب ومش أول مرة تغلط في الزمالك وأنت كنت بتموت علشان تيجي الزمالك عيب بقى مش عايزك يا خالد ياغندور ترد عليه هو عايز كده عايزك تفتكره، بلاش الأمور اللي بتثير الجماهير على فكرة خطة من خطط الجماعة الإرهابية هي أنها تعمل فتنة طائفية، فيه ناس عايزة تعمل فتنة بين الأهلي والزمالك إحنا مش هنرد على دول'.
ومن المقرر أن يواجه الزمالك نظيره الأهلي، غدًا الخميس، على استاد محمد بن زايد في مباراة السوبر المصري على أن يلتقيا مجددًا يوم 24 لخوض مباراة القمة بالدوري الممتاز.
تابعوا آخر أهل مصر على Google News
