مروة تطلب الخلع: "عايز يجامعنى مع مراته فى سرير واحد"

'أنا زوجة تانية ليه، واتجوزنا بعد ما أقنعنى أن مراته تعبانة وكفيفة ومش بتقدر تقوم بخدمته على أكمل وجه بعد ما أصابها المرض، وصدقته ولكن بعد الزواج اكتشفت غشه، مراته الأولى رغم انها كفيفة إلا أنها تملك قدر كبير من الجمال والصحة وفوجئت به بعد 10 شهور جواز أنه عايزنا نمارس العلاقة مع بعض فى أوضة واحدة'.. جاءت هذه الكلمات على لسان مروة وهى داخل محكمة الأسرة لرفع دعوى خلع من زوجها بعد 10 شهور من الزواج مبررة استحالة العشرة معه.

زوجة ثانية

قالت الزوجة: 'كنت متزوجة قبل كده ومحصلش بيننا اتفاق بسبب بخله واتطلقنا وربنا مرزقنيش منه بأولاد، وبعد إلحاح من أهلى أن أتجوز تانى وافقت على أن أكون زوجة ثانية بعد ما أوهمنى انها تعبانة وكفيفة ومش بتقدر على خدمته وانها طيبة وهتعيش معانا، وأنا وافقت لما حسيت انها حرام تقعد لوحدها وخاصة بعد ما شفتها، وفعلا طيبة جدا حتى انه يتجوز عليها وافقت من غير اعتراض، واتزوجنا وعشت معاها ومنكرش أنى مافيش أى مشكلة حصلت بينا، لكن لقيت جوزى بيطلب منى حاجات حرام.

يجامعنى مع زوجته في سرير واحد

وتابعت حديثها لـ'أهل مصر': 'فوجئت بجوزى بيطلب منى انه يجمع بينا فى العلاقة على سرير واحد وأوضة واحدة فى العلاقة، ورفضت، وعملنا خناقات كتير بسبب الموضوع دا لكنه صمم وبدأ يغير معاملته معايا ويحرمنى من المصروف عشان يجبرنى أوافق على الحاجات دى لحد ما طلبت الطلاق ورفض فذهبت إلى محكمة الأسرة لرفع دعوى خلع منه، والدعوى منظورة أمام القضاء.