سحر فى دعوى خلع: "مقضيها فى شارع الهرم كل ليلة"

تقدمت سحر بدعوى قضائية أمام محكمة الأسرة بزنانيرى لرفع دعوى خلع من زوجها بعد عام ونصف فقط من الزواج مبررة ذلك بقولها 'اكتشفت بعد الجواز أن حياته مليانة بالسهر والشرب وكان مخبي عليا قبل الزواج، لحد ما اتجوزنا وبقي كل ليلة يسهر مع الراقصات فى شارع الهرم، حتى علاقات فى الحرام بيعمل على الرغم انى مهتمة بنفسي وبيتى، وصبرت كتير عليه عشان يبطل الشرب والستات، لكن مفيش فايدة، حاله مش راضى يتصلح'.

زواج صالونات

قالت الزوجة: 'اتجوزت من سنة ونص من أحمد وكان جواز صالونات، منكرش انى فى البداية حسيت انه طيب وهيصونى، لكن اكتشفت العكس بعد الجواز وعشنا فى بيت واحد، لقيته بيشرب وبيسهر مبيرجعش غير الصبح، ولما قولت لاخويا يشوفه بيسهر فين اكتشفنا انه بيقضى الليل كله فى كباريهات شارع الهرم مع الراقصات، وأحيانا بيروح معاهم الشقق المفروشة بقي كل فلوسه بيصرفها فى الحرام على الرغم أنى جميلة معرفش ليه بيعمل كدا.

رفع دعوى خلع

وتابعت حديثها لـ'أهل مصر': 'فكرت انى أدي له فرصة يفكر يغير من نفسه ونصحته ولكن الخناق دايما مبتوصلناش لحل، لدرجة أنى يأست وشكرت ربنا أني مخلفتش منه وطلبت الطلاق الذى واجهه بالرفض لذلك توجهت إلى محكمة الأسرة ورفع دعوى خلع وانتظر أولى جلسات الدعوى'.