الطفل الذي ألقى قصيدة أمام السيسي: ماخوفتش وكنت ثابت مكاني قدام الريس

قال الطفل كريم أحمد، الذي ألقى قصيدة "عاشقين ترابك يا مصر " أمام الرئيس عبدالفتاح السيسي، خلال جولته التفقدية بالمرحلة الثالثة بمشروع مدينة الأسمرات، إنه لديه من العمر 6 سنوات، ويعيش في حي الأسمرات منذ عامين، وكان يعيش قبل ذلك في اسطبل عنتر بمصر القديمة.

وتابع الطفل: الأسمرات طبعا أحسن من مكانا القديم، لأنها نضيفة وحلوة وفيها ملاهي وملاعب وكل حاجة.

وخلال مداخلة هاتفية ببرنامج "90 دقيقة "عبر فضائية "المحور"، أردف أحمد: ماما وبابا هما اللي حفظوني القصيدة، وأنا كنت عايز أحفظها عشان أقولها قدام الرئيس السيسي.

وأضاف الطفل: أنا ماخوفتش وكنت ثابت مكاني قدام الريس، هو حد يخاف وهو واقف قدام بابه؟ الرئيس زي بابا، وبقوله شكرا يا سيادة الرئيس على المجهود اللي بتعمله معانا، وشكرا إنك حميت مصر.

وفي نفس المداخلة، قال والد الطفل: بالرغم من إني سبت بيتي اللي عشت فيه سنين، إلا أن المكان في الأسمرات أنضف وآمن وأحسن، في فرق كبير بين المنطقة هنا والمنطقة اللي كنا عايشين فيها.