بعد القبض على المغتصب.. فتاة الدقهلية ترد على المشككين في قضيتها (فيديو)

علقت أمل محمد عبدالحميد فتاة الدقهلية، على خبر إلقاء القبض على المتهم باغتصابها، حيث قالت إنه بعد قرار المحكمة بإغلاق القضية انهارت تماما، ولكن لم يضع مجهودهم لأنهم تابعوا القضية لآخر لحظة.

وأضافت أمل خلال حوارها ببرنامج 'الجمعة في مصر' المذاع على قناة 'ام بي سي مصر': 'بعد إلقاء القبض على الجاني فرحت عشان كان في ناس متعرفش الحقيقة، وبعد إثبات نسب الطفلة، النار اللي في قلبي بردت وده كان أبسط حق ليها'.

وانهارت الفتاة من البكاء على الهواء قائلة: 'بتمنى ربنا ميوريش أي أب أو أم اللي أنا فيه، وقرار إثبات النسب نصفني قدام الناس وقدام ربنا والكل عرف الحقيقة'.

ووجهت 'فتاة الدقهلية'، رسالة إلى كل من تحدث عليها بالسوء: 'ربنا يسامح كل اللي قال عني كلمة وحشة، ومحدش حاسس باللي فيا كل السنين اللي فاتت، أنا ادمرت خلال السنتين اللي فاتوا'.