بسبب "الفلوس".. تفاصيل خلاف أحمد السقا وتامر حسني

كشف الفنان أحمد السقا، عن الخلاف الذي وقع بينه وبين تامر حسني بسبب مشاركته في فيلم 'الفلوس '.

وخلال استضافته في برنامج 'أسرار'، مع الإعلامية وفاء الكيلاني، والمذاع عبر فضائية 'دي إم سي' قال السقا: أنا زعلان من تامر حسني، وأنا بحبه جدًا، ولو مش بحبه مش هزعل منه.. زعلان منه عشان هو في فيلم 'الفلوس ' كلمني وقالي إنه عايزني أعمل معاه مشهد.

وواصل السقا: هو الحقيقة كان جاملني في مسلسل (ولد الغلابة)، وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، مرة قالي دول فانز، ومرة قال دول الشركة المنتجة، قولتله أنا معرفش حد منهم يا تامر أنا معرفش غيرك، ودي أثرت عليّا جدا نفسيًا وفي شغلي'.

وتابع السقا: لو تامر حسني قابلني حاليا، وقالي كلمتين حلوين الموضوع هيخلص.. لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده.