طلب مني التوسط له كي يلعب في الأهلي.. أحمد فهمي يُفجر مفاجأة عن شيكابالا

علق الفنان أحمد فهمي، على ما حدث بينه وبين اللاعب محمود عبد الرازق شيكابالا، قائلًا إن الهدف منه ليس حدوث فتنة بين ناديي الأهلي والزمالك.

وخلال مداخلة هاتفية لبرنامج الحكاية، للإعلامي عمرو أديب، أكد فهمي أن القصة تتمثل في أن هناك اثنين من الأصدقاء القدماء تشاجروا، ولم أسب الجمهور والرموز لنادي الزمالك.

وتابع فهمي: الموضوع له رواسب من سنين، وبدأ لما كان شيكابالا في البرتغال وكنا أصحاب وقتها، وكل قصة وليها شهود والشهود ناس محترمين وكبار في البلد وممكن تسألهم.

وواصل فهمي: شيكابالا طلب مني التوسط له لأنه كان عايز يرجع من البرتغال على النادي الأهلي وأنا مش عايز احلف أن ده حصل، وممكن أقول أسماء ووقتها كلمت هشام العامري أخو الوزير العامري فاروق وقلت له إحنا عايزين نجيب شيكابالا للأهلي.

واختتم فهمي: هشام قالي يا فهمي إحنا النادي الأهلي وشيكابالا مش لايق على الأهلي والطلب قوبل بالرفض والموضوع مات، ولم استغل ذلك لحد ما جاءت مباراة السوبر وشيكابالا غلط في جمهور الأهلي.