بنتك اللي دعتني للفرح.. حمو بيكا يرد على هاني مهنا (فيديو)

دافع المطرب حمو بيكا عن نفسه بعد حملات الهجوم عليه الفترة الأخيرة لا سيما بعد إحيائه حفل زفاف الفنانة الشابة هنادي مهنا والفنان أحمد خالد صالح.

وخلال مداخلة هاتفية ببرنامج 'حضرة المواطن' الذي يقدمه الكاتب الصحفي سيد علي بقناة 'الحدث اليوم' قال بيكا: 'أنا تعبت والله.. أنا إنسان متواضع و ابسط خلق الله و شقيت وتعبت في حياتي كتير.

وتابع بيكا: بنت هنادي مهنا هي اللي دعتني لفرحها وأنا ما اتأخرتش ورحت ووالدها ما أعرفهوش.. إزاي أروح أحضر فرح وأنا مش معزوم فيه، موجهًا حديثه لـ هاني مهنا: أنا ما أعرفكش وبنتك اللي عزمتني على الفرح.

واختتم بيكا: أنا علشان مليش ضهر الناس تهاجمني ومش كل حاجة بالفلوس أو بالتعليم، والتعليم ما يعلمش الناس أنها تسخر مني.. عايزهم يسيبوني في حالي وكل يوم يتعمل لي محاضر.. خايف اتحبس وما اشوفش ابني.. مراتي حامل وخايف على أسرتي.