قال إني بـ "كرش ".. حمو بيكا يكشف كواليس مُشاجرته مع عمر كمال

علق مطرب المهرجانات حمو بيكا، على خناقته مع عمر كمال، قائلاً: "الخناقة مش على فلوس، القصة كلها 10 آلاف جنيه.

وخلال مداخلة هاتفية ببرنامج "التاسعة" المذاع عبر القناة الأولى المصرية، مع الإعلامي وائل الإبراشي، قال بيكا: أنا اتفقت على أغنية وهو كان موجود فيها، والمشكلة مش على فلوس ولكن هي مشكلة تقدير، اتفقت معاه وقالي إنه جاي ومجاش وقفل تليفونه وخلى مدير أعماله يقولي إنه يسجل الأغنية وبعد كده ما سجلهاش، أنا من الأول قولتله عايز تعملها اعملها ولو مش عايز ماتعملهاش.

وتابع بيكا: "عمر كمال قال عليا أني بكرش.. أنا بكرش وإيه المشكلة واللي معندوش كرش ما يسواش قرش.

وعن اتهام عمر كمال حمو بيكا بأنه يضمنه بـ2 مليون، رد حمو بيكا: لو معايا 2 مليون إيه إللي هيخليني أغني وأعمل كل ده، أنا راكب عربية بـ 2 مليون جنيه بس جايبها قسط، وبدفع لها كل شهر 70 ألف جنيه.