بيومي فؤاد: الجواز علمني الأدب.. وبحب المحشي والبط

قال الفنان بيومي فؤاد، إن زيادة وزنه سببت له العديد من المشاكل الصحية، وأنه كلما يذهب إلى طبيب ينصحه بضرورة أن يفقد وزنه.

وتابع فؤاد: "كل ما أروح لدكتور أكشف على حاجة يقولي "خس" لدرجة إني خايف أحكي لبتاع الخضار أو أي حد حاجة ويقولي السبب إن لازم "أخس".

وخلال لقاء خاصة بمناسبة ليلة رأس السنة ببرنامج "الحياة اليوم" المذاع عبر فضائية "الحياة" مساء اليوم الخميس، واصل فؤاد: "مبحبش أكشف في مستشفيات بره مصر لأني بخاف إنه يحصلي حاجة بره بلدي".

وعن حياته الشخصية وتفاصيلها، قال: "ممنوع أدخل المطبخ وأمي كانت مدلعاني ودايما كانت بتتعامل على إن الراجل راجل والست ست، ومعندناش إني أدخل المطبخ أو أوضب السرير".

وأكمل فؤاد: "هو أنا لسه زي منا بعد الجواز، لكن الأمر اختلف شوية وفيه مسؤولية الواحد برضه بيتعلم الأدب بعد الجواز".

وعن أكلاته المفضلة، قال: "أنا مع المحاشي والرقاق والجلاش واللحوم والبط، وبحب أكل البيت جدًا لكن الكشري استثناء، فمهما يتعملك كشري في البيت، مفيش أحلى من كشري بره.