عمرو أديب يُعلق على دعوات التصالح مع الإخوان: ليه نربي عقارب تاني؟ (فيديو)

علق الإعلامي عمرو أديب، على دعوات المصالحة مع الإخوان، قائلا: 'فيه لعبة لا تتفق مع أصول المنطق أو السياسة'.

وخلال تقديمه برنامج 'الحكاية'، المُذاع عبر فضائية 'إم بي سي'، قال أديب: 'فيه كلمة بتتردد الكام يوم اللي فاتوا اسمها المصالحة مع الإخوان، والغريب إن اللي بيتكلم في الموضوع دا هما الإخوان، واللي رافض واللي موافق على الموضوع هما الإخوان'.

وتابع أديب: 'الإخوان بيغنوا ويردوا على نفسهم، وبيطلعوا في الكلوب هاوس، وبيعملوا ندوات ويقولوا إحنا هنتصالح مع النظام المصري إزاي، وإزاي نحط إيدينا في إيد العسكر، وايه شروطنا'، مضيفا: 'محدش قال إننا عايزين نتصالح ولا حد قال إن فيه مصالحة'.

وواصل أديب: 'ما الذي يدفع المصريين أن يضعوا أيديهم في يد الإخوان؟، مردفا: 'أنتم متساووش عندنا بصلة، نقعد معاكم ليه، وليه نربي عقارب تاني؟.. دول مافيا مافيا، ومش بيحبوا غير بعض، ومش بيتجوزوا غير من بعض'.