ظهر الإعلامي عمرو أديب على الهواء بـ 'بطيخ أصفر' من انتاج مصري، قائلاً:' حَمار وصفار وحلاوة.. أول مرة في حياتي أشوف بطيخ أصفر، وطعمه خطير وهو ساقع، بطيخنا الأحمر والأصفر فاخر وكله مصري حتى التقاوي'.
وخلال برنامج 'الحكاية' المذاع على قناة 'MBC مصر' قال أديب: مساء الخير في حلقة جديدة، اللي قدامي ده بطيخ أصفر، وأنا أدعي أنني شوفت جميع أنواع الأكل اللي في العالم، ولكن أول مرة في حياتي أشوف بطيخ لونه أصفر، طبعا مش مستورد من هونج كونج ولكن مزروع في مصر وطعمه مرعب كأنك بتاكل أناناس وأنا أكلات لوحدي نصف بطيخة.
وتابع أديب: الترميلة بتاعة البطيخ الأصفر وطعمه جميل جدا، وهو طعمه خطير غير طبيعي، وأنا أول مرة في حياتي أشوف وأكل بطيخ بالشكل ده، مضيفا أن البطيخ هذا العام ممتاز جدا ونتحدث عن البطيخ الأحمر والأصفر وبدون بذر.
وأوضح أديب أن مصر تنتج أفضل أنواع الخضروات والفاكهة والبذور والتقاوي محليا، عكس السنوات الماضية التي كنا نستورها من الخارج، مؤكدا أن هناك طفرة في جميع أنواع الخضار والفاكهة المصرية.
تابعوا آخر أهل مصر على Google News
