علق الإعلامي عمرو أديب، على الاحتفال بعيد الأب اليوم، قائلا: "الأب ديما محدش بيجيب سيرته والعالم اليوم يحتفل بيوم الأب، وكل الهدايا للأم وهذا حق، لأن الأم هي اللي جابتك وشالتك 9 شهور.
وخلال تقديمه برنامج "الحكاية"، تابع أديب: "الأب هو اللي بيطفح الكوتة عشان حضرتك تبقى بني آدم وله دور لأنه بيصنع منك شخصية، الأم تغذى وتدى مبادئ لكن الأب وشخصيته لها رونق ووجود، والأب مش ديكور، ولولا الأب ما كان الابن، مش محتاجة أثبتها وانتو عارفين ازاى طبعا".
وواصل أديب: "الأب هو اللي بيجرى على أكل العيش، ودي مسألة مش سهلة، ناس تستحق كل تقدير، وأرجو من الأبناء زي ما بيعملوا مع الأمهات يقولوا كلمة حلوة لآبائهم، وكل أب وهو طيب".
تابعوا آخر أهل مصر على Google News
