مصورة فيديو قطار منوف: "الناس هربت الراجل من الكمسري وهو بيضربه تاني"

قالت هناء زكي مصورة فيديو اعتداء كمسري قطار على مواطن وابنته، إنها خلال استقلالها قطار شبين الكوم في العاشرة صباحا سمعت صوت صراخ طفلة قدام من مقدمة العربة، مشيرا إلى أنها تحركت لمعرفة سبب صراخ هذه الطفلة الذي كان يدوي وكأنها تتعرض للخطف.

تفاصيل الواقعة

وأضافت 'زكي'؛ مداخلة هاتفية مع برنامج 'يحدث في مصر'، المذاع عبر فضائية 'إم بي سي مصر'، أنها وصلت إلى الطفلة وسألت الركاب عن سبب صراخ الطفلة؛ الذين قالوا إنها صرخت لأن والدها ضرب بـ'القلم' أمامها، معلقة: 'الراجل كان نازل منوف وقطع تذكرة منوف، لكن لا نعلم ما حدث أعاقه عن النزول فطلب من الكمسري إنه ينزل القرية اللي بعد منوف، إلا أن الكمسري رفض ذلك، وطالب منه يدفع غرامة 21 جنيها وهو مكنش معاه'.

رفض كل المحاولات

وتابعت: 'أنا قلت له خد الفلوس بتاعة التذكرة أو الغرامة وبلاش تمسك الراجل وتضربه أمام بنته اللي بتصرخ أو سيبه ينزل المحطة اللي جايه وخلاص، رفض كل المحاولات ورد عليا بكل جرأة أنا مش هاخد منك فلوس، هو يطلع من جيبه الفلوس'.

وأوضحت: 'قلت له أنا هطلع الموبايل وأصورك عشان الفيديو يوصل للوزير، الناس هربت الراجل من الكمسري وهو بيضربه تاني'.