الأهلي واخد 90% من حظ العالم.. عمرو أديب: احنا نقعد الفرق في البيت ونسلم الدوري كل سنة للخطيب

علق الإعلامي عمرو أديب على فوز النادي الأهلي على الانتاج الحربي بثلاثة أهداف مقابل هدفين، في الدوري المصري.

وخلال تقديم برنامجه 'الحكاية'، على فضائية 'إم بي سي مصر'، قال أديب: مش قضيتي إن الأهلي كسب في الدقيقة 93.. لكن الغريب أن المعلقين بتكون منحازة للأهلي وقت المباراة.. وجمهور الأهلي يقولك احنا مظلومين.

وتابع أديب: أنا مش عندي مشكلة لأني متعود إن الأهلي يكسب الدوري.. لكن فين الظلم لفريق بياخد الدوري من 10 سنين؟.. بشويش علينا والنبي.. ده الأهلي واخد 90 % من حظ العالم كله.

واختتم أديب: مش فاضل غير إننا نقعد كل الفرق في البيت ونيجي كل سنة نتصل بمحمود الخطيب ونبعتله درع الدوري على الجزيرة.