كشف الإعلامي تامر أمين، السبب الأساسي لخسارة المنتخب المصري أمام منتخب البرازيل في أولمبياد طوكيو 2020.
وخلال تقديمه برنامج 'آخر النهار'، المُذاع عبر فضائية 'النهار'، قال أمين: 'أنا في رأيي السبب هو رمضان صبحي وهو مرتدي شارة الكابتن'.
وتابع: 'من وجهة نظري أن ارتداء رمضان صبحي لشارة الكابتن في مباراة البرازيل جريمة لأنه مخالف لكل الأعراف والمنطق والأخلاق'.
وواصل: 'رمضان صبحي هو السبب في الخسارة وأول لما شوفته قولت خربت والفرقة مش هتشوف خير لأن ما بني على باطل فهو باطل'، متابعا: 'اللي حصل ينفع في القهوة مينفعش في بعثة منتخب تلعب في بطولة عالمية، المفروض يكون فيه سيستم وانضباط'.
وأكمل: 'مينفعش يكون في الملعب حجازي ومحمد الشناوي والونش ويكون رمضان صبحي هو اللي لابس شارة الكابتن ويتمخطر بيها وسط اللاعبية'.
واختتم: 'إزاي يكون فيه لاعبية كبيرة في المعلب والكابتن بتاعهم رمضان صبحي، لأن المفروض أما يحصل مشكلة في الملعب اللي يوجه اللاعيبة اللي عنده خبرة مش رمضان صبحي'.
تابعوا آخر أهل مصر على Google News
