شيكابالا: «في ناس مش عايزة الزمالك يفرح.. ودرع الدوري جالي لحد البيت»

قال محمود عبدالرازق شيكابالا، لاعب نادي الزمالك، وقائد الفريق إن الكابتن حسين لبيب هو من استلم الدرع، وأنا كنت خارج أرض الملعب.

وخلال حواره مع الإعلامي عمرو أديب، ببرنامج 'الحكاية'، المذاع الآن عبر فضائية 'إم بي سي مصر'، تابع شيكابالا: تخيل؟.. كابتن فريق الزمالك خارج أرض الملعب وقت تتويج الفريق بالدوري.. ومش رفعت الدرع أنا أو أي لاعب.

وواصل شيكابالا: حسيت أنهم مش عايزين الزمالك يفرح.. تخيل انت رايح فرحك.. حد يبوظ فرحه؟.. أكيد في ناس تاني مش عايزة الزمالك تفرح.. ومكنش في تنظيم، وهذا يحدث مع الزمالك فقط.

وأكمل شيكابالا: روحت البيت مع زوجتي وابني.. وتاني يوم لاعبوا الزمالك جابولي الدرع البيت.

واحتفل نادي الزمالك بالحصول على لقب الدوري المصري الممتاز لموسم 2020-2021، للمرة الأولى منذ 6 سنوات والـ 13 في تاريخ النادي، بعدما قدّم مردودا إيجابيا على مدار الموسم الحالي، واعتلى صدارة جدول الترتيب برصيد 80 نقطة.

حلقة شيكابالا مع عمرو أديب

وانتزع الزمالك اللقب من أنياب غريمه التقليدي النادي الأهلي، الذي حل وصيفا بفارق 4 نقاط أقل.