أعرب عاطف الشربيني، والد مهندس المنصورة القتيل، عن حزنه الشديد للجريمة التي وقعت في حق نجله، كاشفا تفاصيل جديدة حول الواقعة، قائلًا: 'ابني كان واخد شيكات على صديقه محمد أبوالعز بمبلغ 680 ألف جنيه، وزميله دا فلس ومعدش معاه فلوس، وابني الوحيد اللي كان واخد شيكات على الشخص دا لأنه كان واخد فلوس كتير من ناس في البلد'.
وأضاف 'الشربيني' خلال مداخلة هاتفية مع برنامج 'رأي عام'؛ والمُذاع على فضائية 'TeN': 'ابني كلم صاحبه محمد وقاله عايز الفلوس وطلب منه أنه يجيله عشان ياخد فلوسه، واتقابلوا مع بعض وكاميرات المراقبة ظبطت ابني مع محمد ابوالعز واقفين على كوبري الجامعة في حتة ضلمة، والقاتل مسكه خدره وزقه في النيل وسابوه ومشي'.
وتابع: 'تاني يوم بسأل على ابني مراته قالتلي مباتش في الشقة، وأنا آخر مكالمة كلمته كان مع صاحبه عند كوبري الجامعة وقالي هجيلك بس عربية محمد صاحبي سخنت ومستنينها تبر وهنيجي وجايز أروح ميت غمر'.
تابعوا آخر أهل مصر على Google News
