علق الإعلامي عمرو أديب على انسحاب محمد أبو تريكة المحلل الرياضي لقنوات بي إن سبورتس من الاستوديو التحليلي لمباراة نيوكاسل وتوتنهام في الدوري الإنجليزي بعد إصابة أحد المشجعين بأزمة صحية خلال المباراة.
وخلال برنامج 'الحكاية' المذاع على قناة 'إم بي سي مصر' قال أديب: 'في مشجع أصيب بأزمة خلال الماتش والحكم وقف المباراة ونزل المسعفين وأسعفوا المشجع'.
وتابع: 'أبو تريكة كان في الاستوديو التحليلي وفجأة قال أنا مش هقدر أكمل الاستوديو وفي واحد بيموت والمذيع قاله واضح أن صحته بتتحسن ومفيش مشكلة'، مردفا: 'كابتن أبوتريكة قال مش هقدر أكمل المذيع قاله واضح أن صحته بتتحسن وهو قاله لا أنا لازم أقوم لا دا انسان بيموت لازم أقوم أنا مش قادر راح وقام'.
وواصل: 'كان قاعد طارق دياب والمذيع قاله اقعد معانا قاله أنا هقوم؛ وقرر الأستاذ أبو تريكة أنه ده شيء لازم؛ إذا أهله وناسه اللي جوة الملعب محدش قام ومحدش اتحرك الماتش موقفش أنما كابتن أبو تريكة قرر أنه يقوم'.
وأكمل: 'أنا تقديري إن شغل المذيع يتحكم فيه أخلاقيات كتير انما الأخلاقيات لازم تكون متسقة مع الموقف لو الراجل مات هنزعل لو أصيب واتعالج هنزعل شوية'.
وأردف أديب: 'حسيت أن كابتن أبو تريكة كان أوفر شوية كان كتير أوي؛ أنا أظن إن إدارة المحطة هتتكلم مع أبو تريكة بشكل مختلف هو أحرج المذيع وطارق دياب أنت قمت فاحنا مش بني أدمين يعني'.
واختتم أديب: 'اشتغل مبعوث التسامح في الأمم المتحدة الشغلانة دي متشتغلهاش؛ بين سبورت قناة رياضية محترمة وأبو تريكة ترتيبه الخامس السادس في المحللين الموجودين فيها'.
تابعوا آخر أهل مصر على Google News
