«إحنا مالنا بجوازك وطلاقك؟».. إعلامي يُهاجم شيرين عبدالوهاب على الهواء (فيديو)

علق الإعلامي سيد علي أزمة المطربة شيرين عبدالوهاب، قائلا 'إحنا مالنا، المسألة زادت عن حدها'.

وقال الإعلامي سيد علي، خلال تقديمه برنامج 'حضرة المواطن'، المُذاع عبر فضائية 'الحدث اليوم': 'حضرتك اتجوزتي وبتحبي جوزك حضرتك اتطلقي إحنا مالنا'، متابعا: 'اللي بينا وبينك صوتك مالنا ومال جوازك وطلاقك'.

وأكمل: 'يوم تيجي تقول بكرهه واتطلقت، وبعدها بيومين تطلع بقول بحبه.. دي مش قضية البلد، البلد فيها مليون قضية تستاهل نتكلم عنها'، مردفا: 'بصوا للرئيس السيسي وهو يجبر خواطر الغلابة وبيطبطب على أم الشهيد، ويأخذ بيد الست الكبيرة، إنما إحنا سايبين زبدة المجتمع وقاعدين في التفاهة'.

واختتم: 'إحنا مبقاش عندنا في الإعلام غير حمو بيكا وشاكوش وكزبرة، هل هذا معقول ما يحدث في الإعلام'.