قال الإعلامي عمرو أديب: "فاكرين حضراتكم أنا أول واحد في مصر اتكلم عن موضوع فساد وزارة الصحة.. ووقتها قلت لكم ان الوزيرة لن تعود لمنصبها".
وخلال تقديم برنامج "الحكاية"، عبر فضائية "إم بي سي مصر"، تابع أديب: "من يومين انتشر أسماء 4 أشخاص من المتهمين في القضية.. أنا عايز أقولكم مفيش أي اسم معروف.. ولا حد يعرف حاجة لسه.. لكن الأسماء اللي مكتوبه دي مش صحيحة".
وواصل أديب: "ناس بتقول إن الأشخاص دي في منهم حد قريب الوزيرة، وناس تاني تقول أي هري.. لكن مفيش حاجة رسمية لسه".
ووجه أديب رسالة لصانعي القرار، قائلا: "كملوا جميلكم وقولوا التفاصيل.. عايزين نفهم.. أو لو مش عايز تقول الأسماء اطلع قول لنا كده في بيان.. قول مش هنقول تفاصيل عشان التحقيقات مثلًا.. أو لسه التحريات أو أي أسباب".. مختتما: "أنت بتحاب الفساد.. ومش بيهمك حد.. وبتحاسب أي حد.. يبقى كمل جميلك وفهمنا".
تابعوا آخر أهل مصر على Google News
