نجم الزمالك بعد الهزيمة من نيجيريا: كيروش «بيعاند الشعب».. ولازم يتحاسب

أكد محمد صلاح، نجم الزمالك السابق، أن كارلوس كيروش عامل زي الشريك المخالف وبيعاند الجماهير فقط.

وخلال تصريحات تليفزيونية عبر "حضرة المواطن"، المذاع عبر قناة "الحدث اليوم"، مساء اليوم الثلاثاء، قال صلاح: "كارلوس كيروش بيعاند الشعب المصري، ولو شايف الناس ماشية يمين بيروح هو شمال، ودايما بيتعامل مع الجماهير كدا دايما".

وتساءل صلاح.. "هل من المعقول أن مفيش حد في مصر بيفهم وكيروش بس هو اللي فينا؟، والمدرب ده عامل زي النجار المسلح اللي بيرقع في البيت، وكيروش هيفضل يعاند شعب مصر دايما ومفيش فايدة".

وتابع: "معقول مصر مفيش فيها غير صانع العاب واحد بس وهو عبد الله السعيد، المدرب ده مش عارف بيعمل أي، ولازم يتحاسب".

واختتم: "كيروش قرر عدم وجود أفشة في المنتخب علشان الجماهير بتحب اللاعب ودايما بيعمل عكس الجماهير".