السيسي: لدينا 10% فقط بالموازنة من الأموال المطلوبة لإدارة الدولة

قال الرئيس عبد الفتاح السيسي،: "ممكن حد يقولي المستشفيات مبتقدمش خدمة طبية جيدة ليه؟، صحيح، تقدر تقولي إزاي دولة بحجم مصر، كل موازنتها المتاحة تساوي 10%، من الأموال المطلوبة لتشغيل وإدارة الدولة المصرية؟".

وأضاف الرئيس السيسي، خلال لقاء مع الصحفيين على هامش منتدى شباب العالم،: "إنت عاوز تريليون دولار، طيب مفيش، لو عاوز تعمل إنفاق مناسب لدولة زى مصر، فإنت عاوز تريليون دولار، هاتوا كل دولة عدد سكانها قريب من مصر، بتقول انها بتعمل إنفاق مناسب، هنقول إنها بتنفق على الأقل تريليون دولار".

وتابع الرئيس،: "لما تيجي تقارني بدولة مثلا زي دول أوروبا، غنية، عندنا ثبات في النمو الديمغرافي، لمدة 50 سنة، يعنى إيه؟، دولة زي ألمانيا، وفرنسا، عدد سكانها مزدش على مدى 30 سنة اللي فاتت، هل هو كان محتاج يعزز من النظام الصحي ولا يطوره؟، لأ، يحسن فيه لأنه امتلك بنية صحية جيدة تسطتيع تقديم خدمة طبية جيدة جدا".