علق الإعلامي عمرو أديب، على منتدى شباب العالم قائلا: "مش هدخل في كلام كل سنة واتصرف عليه كام والكلام ده.. أنا هتكلم عن تحديين مهمين أولهما التحدي الأمني.. احنا في مدينة مصرية استطاعت تأمين كل القيادات الدولية اللى زارت المدينة بالإضافة إلى عدد الشباب الكبير اللى حضر المنتدى.. وما فيش حادث مروري واحد حصل".
وخلال برنامج "الحكاية"، عبر فضائية "إم بي سي مصر"، تابع أديب: "أما التحدي الثاني فهو تحدي انتشار أوميكرون.. وإزاي مصر تقدر تأمن كل الحضور صحيا.. والحمد لله الأمور عدت بنجاح.. مصر نجحت في التحديين، وكمان بتبقى فرصة جيدة علشان نوجه كلامنا لـ60 % من سكان مصر اللي هما الشباب".
وأكمل أديب: "الرئيس عبد الفتاح السيسي خصص جلسة لممثلي الصحافة الأجنبية، وأصبحت من عادات المؤتمر، لكن لدى وجهة نظر غريبة شوية.. الرئيس السيسي كل ما يقعد مع الصحافة الأجنبية مش بيتكلموا غير في موضوع واحد.. يا سيادة الرئيس هو السؤال ده مش هيتغير وما فيش غيره هما مش عاوزين يكلمونا في حاجة الناس دي جاية في دماغها الموضوع ده وهو جاي يسأل".
تابعوا آخر أهل مصر على Google News
