اعلان

«حُط الخطة الصح يا بيه وجرب تبدأ بتريزيجيه».. أغنية جديدة لدعم منتخب مصر قبل مباراة الكاميرون (فيديو)

منتخب مصر
منتخب مصر

طرحت قناة 'القاهرة والناس' أغنية جديدة لدعم وتحفيز لاعبي المنتخب المصري خلال مواجهته المرتقبة الليلة، أمام منتخب أسود الكاميرون، في نصف نهائي كأس الأمم الإفريقية، بعد أن خاض نجوم الفراعنة مباريات قوية في دور الـ16 أمام منتخبات كوت ديفوار، والمغرب في دور الـ8 وتخطاه بهدفين مقابل هدف في مباراة مثيرة.

وأطلقت 'القاهرة والناس' على الأغنية اسم 'هنعدي الكاميرون والسنغال'، وكأنها رسالة إلى المدرب كارلوس كيروش، وكلمات الأغنية، هي: حط الخطة الصح يا بيه.. متغيرش.. تغير ليه؟!.. عايزين بس نعدى الكاميرون ونجيب ايتو نحط عليه.. خليك ثابت في التشكيل عندك فرقة تهد الحيل.. بس يا ريت يفضلوا فمكانهم وبلاش بقى شغل البراجيل'.

'مش هتكلم على الحراس كله معدي وأحسن ناس.. نبدأ بهدوء كده خطتنا بص يا سيدي وعم الناس.. عبد المنعم طبعا باك.. فتوح جمبه اكيد ده معاك.. قفل حلو بعمر كمال.. وتحط الونش معاه مساك.. ندخل بقى على خط النص.. فتحي سوليه ونني البوص.. ممكن حبة تبدل زيزو وتنزله هيشوط ويقص.. جرب تبدأ بتريزيجيه وصلاح مش هتكلم فيه.. إبدأ بشريف المرادي.. ريح درش هتخسر ايه'.

وحفزت الأغنية لاعبي المنتخب بكلمات: 'هنعدي الكاميرون والسنغال.. هنعدي أسود ونعدي أفيال.. احنا فراعنة يا عم الحج.. أنا بس حقيقي أنا عندي سؤال؟ بص يا إيتو بقولك ايه جبت جاساما يحكم ليه؟ هتخلينا نجيبكو في ثانية جوه تويوتا ازازها فيميه.. ننزل بيكم على عابدين ونقول شوفوا جايبنلكو مين.. كل الناس هترحب بيكم نستقبلكم بالملايين.. احنا ملوك إفريقيا سنين احنا حضرنا ومش ماشيين.. خدنا العهد وقلنا بإذنه هنعدي الكاميرون'.

WhatsApp
Telegram
إقرأ أيضاً
عاجل
عاجل
مصدر رفيع المستوى: الجهود المصرية حققت تقدما ملحوظا بمفاوضات الهدنة