أهدت الإعلامية بسمة وهبة، باقة من الورد لمتابعي برنامجها '90 دقيقة' الذي يعرض على قناة 'المحور'، بمناسبة عيد الحب، قائلة: 'أهدي هذا البوكيه لكل من يتابعني ولبلدي الغالية مصر اللي شايلانا في نن عينيها ومش مقصرة معانا'.
وخلال حلقة اليوم الإثنين من برنامج '90 دقيقة' على قناة 'المحور'، قالت وهبة: 'هل لسه الناس بتحب بجد؟.. ولا خلاص بقينا غرقانين في زمن المادة والمصالح .. النهاردة كنت مبسوطة بمعايدة الناس على بعض'.
وتابعت وهبة: 'وأنا جاية النهاردة بنتي قالت لي عاوزة أجيب هدايا لأصحابي لأني عاوزة أعبر عن حبي ليهم، وقلت لها خدي لكل واحدة وردة، لكن بصة واحدة على السوشيال ميديا الملعونة بترجعنا للواقع تاني وتقولنا حب إيه اللي انت جاية بتقول عليه'.
وأردفت: 'هتلاقي ناس بتتريق على الورد والدباديب ووفكرة عيد الحب، أنت مالك؟! سيب الناس تعبر عن محبتها بالطريقة اللي تعجبهم'.
تابعوا آخر أهل مصر على Google News
